No er det avgjort!

Fredag den 18. februar gjorde Stortinget endeleg vedtak om vern av Nausta. Vassdraget er eit av omlag 50 nye vassdrag som kom med i den nye verneplanen. Til slutt var det berre Framstegspartiet og Senterpartiet som var mot eit vern av Nausta. Tysdag den 15. februar la energi- og miljøkomiteen fram si innstilling der også Arbeiderpartiet til slutt landa ned på vern av Nausta. Vi tek med det som står i innstillinga om Nausta:

"Nausta

Komiteens flertall, medlemmene fra Arbeiderpartiet, Høyre, Kristelig Folkeparti og Senterpartiet, viser til at Naustdal kommune, Sogn og Fjordane fylkeskommune og fylkesmannen i Sogn og Fjordane er imot vern av Nausta. Det fremheves at vassdraget utgjør en svært viktig naturressurs for Naustdal kommune, og kan ha betydning for bosetting og utvikling av kommunen.

Flertallet har med interesse merket seg det pågående "Flerbruksprosjektet for Nausta", som representerer en interessant kombinasjon av bruk og vern av vassdraget. Flerbruksplanen er spesiell i og med at dette er en omvendt planprosess, der miljøverdiene skal komme først. Flertallet er også kjent med tiltaket, "Nausta - ei framtid for villaksen", som er et forskningsprosjekt for å utvikle laksestammen i Nausta.

Et annet flertall, medlemmene fra Arbeiderpartiet, Høyre, Sosialistisk Venstreparti og Kristelig Folkeparti, har ingen ytterligere merknader, og støtter forslaget i proposisjonen.

Komiteens medlem fra Senterpartiet vil understreke at om Nausta blir tatt ut av verneplanen, må det videre arbeidet med flerbruksplanen skje i et nært samarbeid med departementet.

Dette medlem viser til at Naustdalsvassdraget utgjør 3/4 av arealet i Naustdal kommune. Kommunen påpeker at vassdraget med nedbørsfelt er kommunens viktigste naturressurs, og at god bruk av naturressursene med solid miljøforankring er svært viktig for å sikre bosetting og videre næringsutvikling. Dette medlem støtter den lokale målsettinga om flerbruk, der fornuftig bruk skal kombineres med vern, og mener at det er viktig å kunne videreføre kommunens flerbruksprosjekt. Prosjektet inneholder blant annet klare mål for natur og miljø og hvordan en kan ta vare på verneverdiene i vassdraget. De øvre delene av vassdraget, og en stor del av kommunens areal, er dessuten omfatta av det nylig opprettede Naustdal-Gjengedal landskapsvernområde.

Naustdal og Gloppen kommuner, Sogn og Fjordane fylkeskommune, Fylkesmannen i Sogn og Fjordane og NVE har gått imot vern. Dette medlem ønsker at Naustdalsvassdraget skal unntas fra verneplanen, men ønsker heller ikke ei stor magasinutbygging i vassdraget.

Dette medlem foreslår:

"Nausta tas ikke inn i Verneplan for vassdrag.""

Nausta vert verna!

NRK Sogn og Fjordane melde fredag (11.2.) morgo at alt tyder på at Nausta vert verna. Regjeringspartia har gjort avtale med SV, og det sikrar fleirtal for vern av vassdraget. Det har pågått tautrekking i Stortinget heilt til det siste, men vernemotstandarane i regjeringpartia nådde ikkje fram, og heller ikkje Arbeiderpartiet fekk gjennomslag for ei avtale med regjeringspartia om å ta Nausta ut. Vernegruppa er sjølvsagt glad for dette, men vi er ikkje heilt sikre før Stortinget har gjort sitt vedtak fredag om ei veke (18.2.) Tysdag den 15.2 kjem energi- og miljøkomiteen med innstilling. Og der er det altså etter det som no vert sagt, fleirtal for å ta Nausta inn i verneplanen. Oppslaget i NRK finn du her: Nausta vert verna!

Slakt av Nausta-rapport

Norsk Institutt for naturforsking (NINA) har på oppdrag av Sogn og Fjordane Jeger- og fiskeforening vurdert Sweco Grøner sin rapport "Vassdragsutvikling i Nausta" som kom i november 2004. Rapporten er utarbeidd etter tinging av Fleirbruksuvalet, og det er den utvalet skal bruke i sitt vidare arbeid for å vurdere tiltak i vassdraget. Det er mellom anna med grunnlag i denne rapporten at Fleirbruksutvalet har bede Stortinget om å få utsett avgjerda om Nausta i verneplanen.

Konklusjonen i NINA si vurdering er tindrande klar: Rapporten frå Sweco Grøner held ikkje faglege mål. Rapporten inneheld direkte feil og  påstandar er ikkje dokumenterte. NINA gjer det klart at dei ikkje tek standpunkt for eller mot vern av Nausta.

Hovudkonklusjonane og heile vurderinga kan du finne på nettsidene Norges Jeger- og fiskerforbund - Sogn og Fjordane.

Etter at vurderinga frå NINA vart kjent fredag den 28. januar tyder reaksjonane frå leiaren i Fleirbrukstvalet, ordførar Jan Herstad og konsulenten til Sweco Grøner på at dei omgår kritikken frå NINA med å hevde at det er ledd i eit politisk spel.

- Ikkje dekning for påstandane i Nausta-rapport

-Hovudtesen frå Fleirbruksutvalet er at kraftutbygging alt i alt vil gjere tilhøva for laksen betre enn dei er. Men konsulentrapporten har ikkje presentert noko som kan gje dekning for ein slik påstand, ein påstand som er i strid med nesten all røynsle etter hundre års kraftutbygging. Dette skriv leiaren i Norges Naturvernforbund, Erik Solheim i eit notat om rapporten som vart lagt fram i byrjinga av desember.

Solheim skriv at det er solid dekning for at kraftutbygging er hovudårsaka til at mange laksestammar er borte eller sterkt reduserte. Fleirbruksutvalet vil inn å regulere den finstemte balansen som er livsgrunnlaget for laksen. 

Stortinget avgjer 18. februar!

Stortinget har usett handsaminga av Verneplanen for vassdrag med omlag fjorten dagar, til 18. februar. Innstillinga frå Energi- og miljøkomiteen vil vere klar den 15. februar. Nausta har vorte endå meir storpolitikk etter at eit fleirtal i Stortingsgruppa til Arbeiderpartiet har gått inn for å utsette avgjerda om vern av Nausta. Arbeiderpartiet si stortingsgruppe ynskjer å forhandle med regjeringsfraksjonen om å ta ut i alt seks vassdrag, mellom dei Nausta. No er spørsmålet kva partia i regjeringsfraksjonen, Høgre, Kr.F og Venstre svarar på dette utspelet. Regjeringa har alt fleirtal for sitt syn om å verne Nausta ved at SV heilt klart har sagt at dei stør framlegget frå regjeringa. Spørsmålet no er å få utsett avgjerda om Nausta til Fleirbruksutvalet er ferdig med sitt arbeid.

Eit vern gjev fleirbruk

Fleirbruksutvalet vil ha magasinutbygging

- Etterkvart har det vorte heilt klart at Fleirbruksutvalet for Nausta arbeider medvete for ei magasinutbygging i elva. Under synfaringa til Energi- og miljøkomiteen i midten av oktober vart det presentert eitt alternativ for kraftutbygging av Fleirbruksutvalet, nemleg ei magasinutbygging med Trodalen som magasin. Alternativet inneber ei sterk styring og regulering av vassføring og temperatur. Fleirbruksutvalet satsar altså på ei kraftig regulering av elva, og det byrjar å likne på oppdrett av laks, ikkje i sjøen, men i ei elv. Ei slik utbygging vil også gje sterk regulering av vassføringa mellom Vonavatnet og kraftstasjonen, skriv Vernegruppa i eit innlegg som er sendt til media.

Villaksen er viktigast

- I saka om laksefjordar - og vassdrag er vår fremste plikt å ta vare på villaksen, der Nausta er av særs stor verdi. Denne elva har den mest talrike laksestamma i fylket. Ingen med eit heilskapleg ansvar ynskjer vel verksemd som kan skade denne viktige ressursen - som vi forvaltar på vegner av heile samfunnet, og også har forplikta oss inernasjonalt til å ta vare på, skriv assisterande fylkesmann, Ingrid Bjørkum i eit innlegg i Firda laurdag den 16. oktober. Ho forsvarar i innlegget at fylkesmannn har tilrådd Nausta som laksevassdrag og Førdefjorden som laksefjord. Ho gjer også greie for deira kompromissforslag om å ta ut den ytre delen av Førdefjorden.

Elveeigarlaget stør framlegget om Nausta som nasjonalt laksevassdrag

 Styret i Naustdal Elveigarlag støttar framlegget om Nausta som nasjonalt laksevassdrag og det føreliggjande framlegget om Førdefjorden som nasjonal laksefjord. I eit brev til Direktoratet for naturforvaltning skriv styret at Nausta i aller høgaste grad oppfyller hovudkriteriet for utveljing av laksevassdrag:  ”lakseforekomstens størrelse og produktivitet i det enkelte vassdrag”. Elveeiegarlaget som er organisasjonen for omlag 70 elveeiegarar på den lakseførande strekningen av Nausta peikar på at elva  har den mest talrike laksestammen på Vestlandet nord for Jæren og produksjonen av laks kan framleis aukast vesentleg.

Fylkesmannen vil ha Nausta som nasjonalt laksevassdrag.

Fylkesmannen har tilrådd at Nærøydalselva, Lærdalselva og Nausta får status som Nasjonal lakseelv og at Førdefjorden til Flokenes får status som Nasjonal laksefjord. Les meir på Fylkesmannen sine heimesider

- Ikkje spesielt truverdig

Ordføraren i Naustdal tek kraftig til motmæle mot Vernegruppa som har påpeika at hans svartmåling av situasjonen med vern. Ordføraren avviser kravet om dokumentasjon og grunngjeving for standpunt.  - Er det han uttalar berre noko han trur, så får vi halde oss til det. Men det vert ikkje spesielt truverdige synspunkt, skriv leiaren i Vernegruppa i eit svarinnlegg i Firda.

Dettefossen er ein av dei flottaste fossane i vassdraget. Den ligg mellom Nes og Vonavatnet.